*وقع المحارب*
وفي وقت جالها وقالها إياك تخافي
لاجلك هحارب دنيتي وسنين عجافي
هالبس واهندم بدلتي لأجل أما تتشافي
تشهد جناين ضحكتك إنك نهاري
بيتك مكانك مطرحك ارضي ومطاري
وقع المحارب قلبه جايب حزن دافي
حبك جميل لكن خسارة .. ياريته كافي
****
عيط كتير وتفيد بإيه يعني الملامة
غرقان في بحر العشق او بحر الدراما
كان عقله واقف بس عينه مدمعتش
سابت ومشيت .. في حبه يعني متبتتش؟!
****
وقفت كرامته بتبكي دم بحرقة منها
وقالت رجولتك واقفة بين قلبك وبينها
قوم عدي وجعك متبانش مكسور جوا عينها
راجع طريقك كنت فين في العشق فينها
مين يا ابني مات بالحب عدي وفوت حنينها
مش مكتوبالك عدي يلا وفوت سنينها
اضحك على الاحزان وعدي مرار انينها
سيب اللي سابك في الف حاجة مستنينها
***
إياك تجازف دا اللي فاضل نص ساعة
عيش حر نازف دم جرحك يلتقم
كمل لوحدك بس متسبش المساحة
ان يجي الوقت قلبك يبقى عاوز ينتقم
فتموت ساعتها هناك رخيص
كمل وعيش راجل لوحدك
أو روح هناك .. وتموت خسيس
كمل في مشوار رحلتك
رافع رايات الانتصار جوا الهويس
*أحمد محمد منصور هيبة*
تيم جريدة حبر الحياة
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد