السلام عليكم ورحمه الله وبركاته
انا الصحفية آية رمضان حجازي من جريدة ومؤسسة حبر الحياة.
حابه اعمل مع حضرتك لقاء صحفي تسمحلي!
س/ حدثنا عن سيرتك الذاتية ؟
وكيف اكتشفت موهبتك الفنية ؟
انا مؤمن ماهر حسن من الاسكندريه،
عمري 23 سنه
بدرس ف كليه الأداب قسم علم نفس،
انا مكنتش وانا صغير بنزل الشارع وكده كان وقتي كله في البيت فا كنت برسم وانا اخويا الكبير رسومات عاديه حسيت ان فيه متعه وانا بنقل حاجه وارسمها وبدأت اتمسك بالرسم ، الكلام ده من وانا عمري خمس او ست سنين.
س/ متي قمت برسم اول لوحة ؟
الرسم ع العموم؟
س/ ايوة الرسم على العموم؟
من 17 او 18 سنة
س/ هل لديك طقوس معينة لكي ترسم وتبدع ؟
مبعرفش ارسم برا البيت او بمعنى اصح برا اوضتي غير للضروره مثلا رسم جداريات مسابقات في الكليه انما انا بحب ارسم في اوضتي مهيئ لنفسي حاله وجو من الهدوء بيساعدني ع التركيز،
وبحب ارسم بليل جدا.
س/ يعني بتحب اكتر ترسم فى هدوء الليل بعيد عن كل شيئ ?
اكيد طبعا، ومبعرفش ارسم وفي حد بيتفرج عليا.
س/ لو جالك وقت ترسم بمكان في اشخاص ومفهوش هدوء هل هتقدر ترسم وتبدع ولا ده هيبقا صعب لحضرتك؟ وهل مهما كانت الظروف هتبدع زي مبنشوف ابدعاتك ؟
لا اكيد هعرف ارسم بس بنفس الروقان او التكيف بتاع الهدوء الاننا اكيد بنتحط في ظروف تخلينا نشتغل برا.
س/ هل قمت برسم أشخاص من قبل ؟
بدأت ارسم بورتريه من 8 سنين
س/ما هي أكثر شخصية تمنيت أن تقوم برسمها؟
انا بتأثر بالشخصيات الناجحه جدا فا كنت اتمنى ارسم
د.ابراهيم الفقي وصلاح وابو تريكه وفعلا رسمتهم
مبحبش ارسم حد مشهور عشان اتشهر او ريتش او كده
لازم احب العمل اللي بعمله عشان يطلع علي اكمل وجه.
س/هل فى شخصية معينه كنت تتمنى ترسمها فعلا ولا كله واحد ؟
فيه شخصيات وبالفعل رسمتهم
س/ ما الذي يجذبك داخل الأشياء حتي يدفعك لرسمها ؟
لو لاقيت حاجا وحسيتها صادقه،
اي كانت فكره او قضيه
برسمها ع طول
س/ ما الأدوات التي تقوم بأستخدامها أثناء الرسم ؟
لكل خامه معينه ادوات معينه مثلا زي ادوات الفحم تختلف عن ادوات السوفت تختلف عن ادوات الزيت
بس انا بحب اشتري كل الادوات حتى لو مش هستخدمها
الإني اكتشفت انا مدمن للادوات جدا
س/هل فى ادوات بتستخدم فى كل انواع الرسم
ولا لكل نوع ادوات موحده؟
لكل خامه طبعا الوان.
س/ما الذي يمثله الرسم لك ؟
الرسمه بيني وبينها علاقة حب بشبها بشخص بحبه جدا كل متعب نفسيا او احس اني محتاج اتكلم بروحلها وفعلا بروح ف عالم تاني
س/ هل هناك عوائق تواجهك أثناء الرسم ؟ وما اثرها؟
العوائق في البدايات هي التسرع كنت متسرع،
وعاوز اوصل لمرحله اعلى بسرعه بس تخطيتها وبقيت اشتغل بتأني عشان اوصل.
س/ ما النصائح التي تستطيع تقديمها لمثلك من الموهوبين؟
انصحهم واقولهم ف المجال بتعنا لو فيه واحد بيهدمك فيه عشره بيرفعوك متخليش الشخص الوحش يوقعك بكلامه وخليك مؤمن بقدراتك واختار انك تبقا مميز هتوصل لان اللي وصل قبلينا كان بشر زينا مش خارق.
س/هل هناك تكريمات أو جوائز حصلت عليها ؟
اخدت مركز اول ف مسابقه ابداع على جامعات اسكندريه من سنتين اخدت مركز اول وانا فريقي في رسم علي الاسفلت بأسم كليه اداب في كليه تربيه رياضيه اخدت مركز اول في معرض الجامعه السنادي كنت مشارك في معارض واتكرمت فيها بجاوئز وشهادات ولوحتي اتأهلت في معرض بوابه مصر
س/من من تلقيت الدعم والتشجيع؟
الحمدلله اهلي وصحابي كانو اول مشجعين ليا ف بدايه المشوار ده تشجيعهم ليا وانا كنت لسه دون مستوى وكان حافز كبير
س/ هل قمت بتمزيق لوحة قبل إكتمالها أو بعد الانتهاء من رسمها لأنها لم تنال اعجابك أو من أجل عدم إعجاب الآخرين بها؟
انا مؤمن انها تجارب،
ومش برسم عشان تنال اعجاب الناس اكتر من انها تنال اعجابي.
س/ ماذا تتمنى ان تحقق في المستقبل؟
اكون عندي الخبره الكافيه من العلم والمهاره في المجال بتاعي واكون معروف ف العالم كله لاني محتاج الشغل المصري يلف العالم ويبقا مميز الان التراث والفن المصري بداء يختفي ومعظم الرسامين دلوقتي متأثرين بالرسامين اللي برا محدش عاوز يبقا مختلف واتمني يبقا المجال ده مصدر رزقي الاساسي الاني متأكد اني لو اشتغلت في حاجا بحبها هتطور منها
تقول اي لي اليِ نفسه يرسم وخايف او متردد، تنصحوا بـ اي؟
اقوله خلي عندك ثقه ف نفسك متبقاش متردد وخليك مؤمن بقدراتك وحبك للشيء الي بتعمله الي قبلك ميفرقوش عنك حاجا غير في الشكل
س/ كلمتك الأخيرة للحوار؟
اكيد عاوز احمد ربنا على النعمه الي انا فيها وان ربنا رزقني الموهبه دي واتمنى استغلها صح واشكر كل اهلي وكل واحد بيشجعني عشان بيعتبر نجاحي هو نجاحو واشكرك جدا وعمر والمؤسسة على دعمكم ليا.
شكرًا جزيلا سعيدا جدا بالحوار معاك.
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد