يوم جديد وموهبة جديدة، معنا ومعكم فنانة موهوبة أبدعت في مجالها؛ لتنال إعجاب وحب جميع مُُحبيها ومتابعيها، دعونا نتعرف عليها بشيء من التفصيل...
_ممكن تعرفيني عليكي؟
= أكيد، أنا نور محمد، عندي 17 سنة، من الشيخ زايد في محافظة الجيزة، في الصف الثالث الثانوي علمي.
_عظيم، إيه موهبتك؟
= الرسم.
_ بدأتي إمتى، وازاي اكتشفتي موهبتك؟!
= من الصغر، بس بدأت فيها من سبع سنين، يعني وانا عندي 10 سنين.
_ يعني نقدر نقول عليها موهبة؟
= نعم، موهبة وهواية.
_مين الداعم الأول ليكي؟
= والدي ووالدتي.
_ هل واجهتكِ صعوبات في بداية دخولك المجال؟
= لا الحمدلله.
_ رائع، مين أكتر شخصية بتقتدي بيها في مجالك؟
= الفنان ابراهيم افوكاتو والفنان العالمي فان جوخ.
_ ايه أهم انجازاتك؟
= بحاول استمر وموقفش رسم، ومسمعش سلبيات، ولا أقارن رسوماتي برسومات الناس، واني أشجع اللي حواليا في الرسم، وانها مش صعبة ولا وحشة زي ما بيقولوا.
_إيه طموحاتك؟
= طموحي إني احقق هدف أهلي وأفرحهم الأول، والثاني إني اكون قريبة من ربنا وأكون دايما ناجحة وارفع راس أهلي وعادي أفشل واغلط بس مش علي طول.
_ أكيد بالتوفيق يا جميلة، وجهي كلمة لأي حد بينتابه الإحباط.
= متسمعيش سلبيات الناس وتصدقهم، مش أي حد يقولك انتي فاشلة ومبتعرفيش ترسمي او ايًا كانت الموهبة اللي عندك بالعكس هو بيحبطك عشان توقفي الموهبة أو غيران منك، ومتقارنش نفسك بحد مفيش حد أحسن من حد، كلنا واحد، وكلنا عندنا الموهبة وبنتعلم وبنحاول لحد ما نوصل للمستوى الأعلى، واللي نفسنا فيه، ونكمل الموهبة اللي ربنا اداهلنا لان دي ميزة عندنا.
كانت هذه الصور الفنية من إبداعات الفنانة نور محمد.
_ في النهاية سعدت بالحوار معكِ، وبتمنالك التوفيق في حياتك الجاية.
= وأنا أكتر، وفرحت واتشرفت بمعرفتك يا جميلة.
ــــــــــــــــــــــــــــــــــــــــــــــــــــــــ
كانت معكم الصحفية: إسلام إيهاب من جريدة حبر الحياة.
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد