*عكازك الأحلام*
وفي سكة الأحلام
كان م الضروري تعوم
بمركبة من ورق
والشط كله نجوم
والشاطر اللي ابتدا
يسحب خيوط المدا
لو يوم وقع بيقوم
ماتهزهوش الريح
ولا يغلبوش الهم
اتعب عشان ترتاح
انزف في تعبك دم
خليك دهب يتعاز
عكازك الأحلام
أيام ما تبقى جفاف
الفرح جاي قدام
لو قبله سبعة عجاف
زود طموح قدام
كتر أمل في الجاي
الدنيا تضحلك
ببيانو غلب الناي
وان يسألوك ازاي
حققت أحلامك ؟!
قول أمر مش هين
وأنا كنت قد القول
شئ مره مش لين
تشهد جروحك دول
على كل ليلة سهر
الكل فيها نيام
والليلة حق وصول
للشاطر اللي ما نام
*أحمد محمد منصور هيبة*
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد