اسكــريــبــت "لــــٰكنهـــا لــــــي"
جميله: حاجه لله يابيه ربنا مايرميك في ضيقه.
حسام: اسمك ايه ياشاطره.
جميله: اسمي جميله.
حسام: عندك كام سنه؟
جميله: 23
حسام: وواقفه بتشحتي ليه؟
جميله:" بتريقه" غاويه بهدله، هكون بشحت ليه يعني يابيه الدنيا عملتها معايه وقفلت ببانها في وشي، وعندي والدتي مريضه ووالدي ربنا يرحمو، واخواتي 3بنات اصغر مني وانا بصرف عليهم، ومعنديش مصدر دخل غير ده
حسام: انتي بتعرفي تقري؟
جميله: للأسف انا معايه بكالريوس تجاره بس الزمن جار عليه.
حسام بذهول، ايه؟ وامال ايه اللي موقفك الوقفه دي؟
جميله بحزن: والدي كان صاحب شركة استيراد وتصدير بس قبل ما يتوفى كان داخل صفقة كبيره تقريبا حط فيها كل فلوسه، بس للأسف الصفقه منجحتش وبابا خسر كل حاجه، فا مستحملش اللي حصل وجاتلو سكته قلبيه وتوفى، وبعدها عرفنا انو كان واخد قرض من البنك بضمان البيت علشان يكمل فلوس الصفقه اللي دخلها ولما معرفناش نتصرف حجزو ع البيت وبقينا في الشارع.
حسام: طب مدورتيش علي شغل ليه؟
جميله: هو انا مستنيه حد يقولي، دورت كتير بس مفيش، ولما لقيت صاحب الشغل كان طمعان فيه، ملقتش غير الشارع في النهايه.
حسام: يااااه ايه العزاب ده؟
جميله بعياط: معلش دوشت حضرتك بحكايتي عن اذنك.
حسام: استني بس، انا مبسوط اني قابلتك، ولحسن حظك انا محتاج محاسب في الشركه بتاعتي ايه رأيك تشتغلي معايه؟
جميله بفرحه بالغه: بجد انت بتتكلم بجد، مش عارفه اقول لحضرتك ايه، انا مش هنسى الجميل ده طول عمري، ربنا يبارك في حضرتك.
حسام: ايه حضرتك، حضرتك الكتير دي، قوليلي ياحسام علي طول، بس ده بيني وبينك مش قدام الموظفين.
جميله: لا طبعا مينفعش.
حسام: اسمعي اللي بقولك عليه، احنا خلاص بقينا اصحاب، طلع حسام من جيبو فلوس وعطاها لجميله، خودي دول خليهم معاكي، وده عنوان الشركه من بكره الصبح تكوني في المكتب.
ــــــــــــــــــــــــــــــــــــــــــــــــــــــــــــ
تاني يوم الصبح:
لبست جميله واتشيكت وراحة الشركه، الموظفين: مين القمر الجديد اللي جاي عندنا ده، جميله بصالهم ومكسوفه من نظراتهم.
حسام: تبارك الخلاق فيما خلق ايه القمر ده، احم اهلا ياجميله اعرفكم ياجماعه دي زميلتكم الجديده هتمسك مكان المحاسب اللي مشي،
الموظفين: اهلا بيكي ياجميله
جميله بخجل: اهلا بحضراتكم
حسام: يلا ياشباب كل واحد يشوف شغلوا
جميله: طيب حضرتك ممكن تقولي فين المكتب
حسام: تعالي معايه ياجميله
ساره: صباح الخير دي الموظفه الجديده يافندم
حسام: صباح النور ايوه ياساره دي زميلتكم الجديده جميله
ساره: هي فعلا جميله، اهلا ياحببتي
حسام: تعالي معايه ياجميله ع المكتب، وياساره بعد ما تخرج من المكتب تاخديها تعرفيها مكان مكتبها وتفهميها النظام.
ساره: حاضر يافندم تحت امرك.
حسام وجميله في المكتب: نورتي الشركه ياجميله،
جميله: شكرا يافندم ربنا يخليك بجد مش عارفه اشكرك ازاي.
حسام: بانك تتقني عملك وتبقي موظفه شاطره
جميله: اكيد يافندم ان شاء الله اكون قد المسؤليه
حسام: مش عايزك تقلقي من حاجه كلنا هنا عيله واحده
جميله بابتسامه رقيقه: اكيد ان شاء الله
خرجت جميله من المكتب واخدتها ساره علي مكتبها
ساره: اهلا بيكي ياجميله انا هنا المسؤله عن الموظفين وسلوكهم هعرفك ايه المطلوب منك وافهمك السستم بتاعنا
جميله: تمام
محمود: صباح الخير ياساره، انا اسف معرفش ان في حد هنا صباح الخير يأنسه
جميله: صباح النور
ساره: واخيرا جيت يااستاذ محمود مالسه بدري
محمود: معلش ياساره والله المواصلات، قليلي استاذ حسام سأل عليه؟
ساره: لا ياسيدي من حسن حظك جميله شغلتوا فا مخدش باله ان حضرتك اخرت.
محمود: جميله مين؟
ساره: جميله اللي قدامك دي.
محمود: اه معلش والله لسه صاحي بقي
ساره: ع العموم ياسيدي دي جميله زميلتنا الجديده هتمسك الحسابات
محمود: اهلا بيكي ياجميله نورتي الشركه
جميله: اهلا بحضرتك، ده من زوقك
ساره: طيب ياجميله انا في المكتب لو احتاجتي اي حاجه انا موجوده اعتبريني اختك.
جميله: تسلمي ياحببتي
ساره: احم محمود رحت فين يلا امشي قدامي
محمود: اااه معلش اسف بس سرحت شويه، سلام ياجميله
جميله: بخجل سلام
ساره: ايه شكل الصناره غمزت ولا ايه
محمود: صناره صنارة ايه،
ساره: عليه برضوا، مانا شايفاك وانت عنيك هتطلع عليها جوه.
محمود: بصراحه هي جميله اوووي اسم على مسمى
ساره: ياعيني ياعيني يبقي غمزت
محمود: طيب يارخمه سلام بقي اروح شوف شغلي قبل ما حسام يشوفني.
ساره: ماشي بس لينا قعده، سلام.
محمود: سلام
ــــــــــــــــــــــــــــــــــــــــــــ
بعد عدت اشهر:...........
حسام: جميله ازيك عامله ايه
جميله: الحمد لله يا حسام انت اخبارك ايه
حسام: بخير معلش بقالي كام يوم مش عارف اكلمك ولا اقعد معاكي
جميله: ولا يهمك مانا عارفه الضغط اللي الشركه كانت فيه الفتره اللي فاتت
حسام: طب ايه هنتقابل النهارده
جميله: هحاول
حسام: لاء مليش فيه لازم اقابلك انتي وعدتيني
جميله: ماشي ياحسام بعد الشغل
حسام: هو ده الكلام
جميله طالعه من المكتب وشافت محمود
محمود: ازيك ياجميله
جميله: ازيك يامحمود عامل ايه
محمود: الحمد لله ايه كنت فين كده
جميله: كنت بشوف استاذ حسام عايز ايه
محمود: اااه استاذ حسااام
جميله: طيب يامحمود اشوفك بعدين علشان عندي شغل مع السلامه
محمود: بغضب، حسام حسام مفيش غير حسام كل شويه.
دخل محمود المكتب عند حسام،
محمود: ازيك يافندم
حسام: اهلا يامحمود خير عايز حاجه
محمود: لا عادي بس كنت معدي وقلت اسلم عليك
حسام: طيب ياسيدي فيك الخير
محمود: ممكن اسأل حضرتك سؤال
حسام: اتفضل
محمود: ايه رأيك في جميله
حسام:وكأن في بركان هينفجر جواه بعد السؤال ده بس رد عليه بهدوء،من ناحبة ايه مش فاهم؟
محمود باستفزاز:يعني شكلها،جسمها،اي حاجه تانيه فاهمني طبعا.
حسام:بغضب فاهم ايه ياحقير،انت بتقول ايه
محمود:انا مش قصدي حاجه اسمعني بس
.
حسام:ولا هسمع ولا زفت، قوم اطلع بره مشوفش وشك في المكتب تاني.
محمود:ياااه كل ده علشان الست جميله بتاعتك قول بقي ان عينك منها.
الموظفين كلهم اتلموا
حسام:كلمه تاني ياحقير وهندمك على اليوم ده.
الموظفين حاولو يهدو الموضوع وطلعو محمود بره
ساره:ايه ده ايه الي حصل بس فهمني اتخنقتوا ليه؟
حسام بنرفزه: الغبي ده القزر.... ولا اقولك مفيش حاجه كبري دماغك
ساره:بس....
حسام:معلش ياساره بعدين احكيلك سلام
طلع حسام من المكتب واتصل بجميله وقالها تقابلوا في الكافيه اللي بيتقابلو ا فيه
ـــــــــــــــــــــــــــــــــ
بعد الخناقه بساعه......
حسام وجميله في الكافيه..
جميله:ايه ده مالك شكلك متعصب في ايه؟
حسام:لا ابدا بس مضغوط شويه
جميله:اتمني ميكنش حاجه تاني مزعلاك.
حسام:جميله انا عايزه اقولك حاجه
جميله:اتفضل
حسام:انا بحبك..بحبك من اول يوم شوفتك فيه وليه الشرف انك تكوني مراتي قلتي ايه؟
جميله وشها احمر من الخجل وردت بصوت واطي:بصراحه انت احرجتني ومش عارفه ارد اقول ايه
حسام:قولي اللي انتي حاسه بيه
جميله:بخجل بصراحه انا كمان حبيتك واتعلقت بيك
حسام:يعني موافقه نتجوز
جميله:انا موافقه بس لازم تشوف ماما الاول وتطلبني منها.
حسام:طبعا حدديلي معاد معاها
جميله:حاضر ياحسام.
ـــــــــــــــــــــــــــــــــــــــــــــــ
بعد مرور شهر......
خطوبة جميله وحسام وكل الشركه معزومه....
ساره وباقي الزملا:الف الف مبروك يافندم مبروك ياجميله
جميله وحسام:الله يبارك فيكم
جميله:حسام هروح الحمام ثواني وهرجع على طول
حسام:اتفضلي ياحببتي
فجأة الكهربا قطعت...حسام:ايه الي حصل جميله جميله انتي كويسه،راحو عند حمام القاعه ملقوش جميله.....صدمه رهيبه حصلت بعدها الكهربا رجعت تاني
حسام:جميله دورو في كل حته هتكون راحت فين
ساره:ان شاء الله هترجع تلاقيها بتظبط الفستان ولا حاجه في الاوضه وجايه متقلقش
الامن:دورنا في كل الاوض والحمامات يافندم مش موجوده
حسام:يعني ايه مش موجوده اتبخرت يعني
في مكان بعيد عن القاعه بحوالي 20متر....
«جميله ومحمود»
جميله:انا فين، انت مين؟
محمود:رفع الغطا من على وشه ايه رأيك في المفاجأه دي
جميله بفزع: محمود، ازاي، انت ازاي اتجرأت تعمل كده ياحقير حسام مش هيسيبك.
محمود:زي ما خطيبك اتجرأ وتردني بره الشركه لما جبتلو سيرتك، انا بقي هعرفوا مين هو محمود تعالي.....
جميله بعياط شديد: اااااه الحقوني حرام عليك سبني انا عملتلك ايه....
محمود:اسيبك ده انا مصدقت لقيتك
جميله بصراااخ: ابعد عني....
ومحمود بيحاول بكل جهده انو يتمكن منها وبيحاول يغتصبها........
انتظروني في الجزء الثاني إن شاء الله.
بقلم/أماني الحسيني"خاطفة القلوب"
جميلة اوي
ردحذف