اسكريــبــت "لــــــــٰكنــــها لـــــــي" الجزء الثاني
"وبعد محاولات كتيره من محمود انو يحصل على جميله ويغتصبها...... تفتكرو ايه اللي حصل يلا بينا نكمل ونشوف ايه اللي هيحصل في الجذء الثاني يلا بينا......
جميله: ابعد عني مش هسمحلك تلمس شعره مني.
محمود: متخلينيش افقد اعصابي واعمل حاجه متتخيليهاش.
جميله قدرت تطلع بره البيت اللي كان واخدها فيها وبتجري علشان تبعد، بس هو كمان وراها
محمود: فاكره نفسك هتقدري تفلتي مني، دانتي بتحلمي هجيبك يعني هجيبك.
جميله منهاره من العياط والجري ومش قادره تأخد نفسها.....
انت بني ادم حقير وان شاء الله ربنا هينجيني منك.
وهي بتجري سمعت صوت عربيه جاي من بعيد، حاولت تتبع الصوت علشان حد يلحقها بس للأسف صاحب العربيه مأخدش بالو علشان كان سايق بأقصي سرعه....
جميله: يارب مليش غيرك انت الوحيد اللي تقدر تنجيني من الشيطان ده.
وفجأه شافت بيت علي بعد 5متر منها حاولت بأقصي ما عندها انها تكمل جري وتوصل يمكن تلاقي حد يلحقها كل ده ومحمود وراها بس يا ترى هتنجح...
محمود فجأه رجليه وجعته لانو اصلا كان عامل حدثه قبل كده ورجلي كانت مكسوره فا بيحاول يجري وراها بس رجليه مش مساعداه...
جميله: الحقوني حد يلحقني، وبتخبط على الباب وشايفه البيت منور.
ولحسن الحظ كان في حد جوه البيت، سمع صاحب البيت الصوت طلع يشوف في ايه.
جميله الحقني ياعمو... للعلم هو كان راجل كبير في السن ولكن صحتو كويسه.
مالك يابنتي في ايه خدي نفسك اهدي
جميله: بعياط الحقني ياعمو في واحد خطفني وبيحاول يغتصبني وهو جاي ورايه دلوقتي الحقني.
العم: اهدي اهدي متخفيش انا معاكي، ادخلي.
محمود في الوقت ده كان خلاص بيصرخ من الألم، ولكن بيحاول يوصل وللأسف وصل، وبيخبط ع الباب فتح العم، ايوه مين حضرتك
محمود: فين البنت اللي دخلت هنا
العم: بنت مين يابني مفيش حد جه هنا، هو في بنت هتيجي مكان زي ده في وقت متأخر
محمود: انت هتستهبل ياراجل انت، مفيش غير بيتك اللي ممكن تستخبى فيه، اخلص بدل ما اخلص عليك.
وزق الراجل المسكين وقع علي ضهرو ودخل يدور في البيت.
جميله سامعاه ومش عارفه تبطل عياط،وللأسف سمع صوتها.
العم:قام من ع الارض ومسك عصايه ودخل وراه لقاه ماسك جميله من شعرها ونازل فيها ضرب وجميله بتصرخ.
العم:نزل ايدك ياحيوان، وخبطو بالعصايه فوق دماغه، محمود اغمي عليه من الخبطه مقدرش يقاوم.
جميله بعياط:يانهار اسود هو مات ولا ايه
عمو:متخفيش يابنتي الخبطه دي هتخلي فاقد الوعي بس مش لوقت طويل فا حاولي تهربي
جميله:مستحيل اسيبك ياعمو لا يفوق ويموتك ده انسان حقير
عمو:متقلقيش يابنتي قل لن يصيبنا الا ما كتب الله لنا، حاولي بس تلحقي نفسك وربنا معاكي يابنتي ويستر طريقك،وخدي الموبايل يمكن يساعدك.
جميله: مش هقدر اسيبك.
عمو:يابنتي يلا مفيش وقت الحقي نفسك.
طلعت جميله تجري وافتكرت التليفون اللي معاها وحاولت تجمع رقم حسام او اي حد تعرفه...
والحمد لله قدرت توصل لساره زميلتها في الشغل.
ساره:الو مين معايه
جميله:الحقيني ياساره انا جميله، محمود خاطفني انا في مكان......تي تي تي الخط قطع
جميله الو الو ساره ردي
للأسف بقي اللي متعرفوش جميله إن ساره أصلا مش عايزاها ترجع،لأنها بتحب حسام ومكنتش عايزاهم يتخطبو.....
جميله:اعمل ايه بس ياربي، حاولت تتصل تاني بساره بس ساره قفلت الموبايل.
حسام:ساره ممكن تجيبي موبايلك هعمل مكالمه من فضلك،
ساره لسه هتتكلم،حسام اخد منها الموبايل وفتحه علشان يعمل المكالمه
ساره خايفه جميله ترن تاني
حسام:في رقم خاول يتصل بيكي كتير اوي
ساره:اه ده رقم حد معرفوش متشغلش بالك
وفجأه التليفون رن وهو في ايد حسام....
حسام: ده بيرن تاني.
ساره سيبك منو ده حد بيعاكس
حسام انا هرد عليه علشان ميضايقيش تاني
ساره:لا متردش عليه واعمل المكالمه اللي انت كنت هتعملها مش وقته اصلا.
محمود كنسل علي الرقم،وعمل المكالمه بتاعته...وفي نفس الوقت الرقم بيرن تاني
حسام:ده شكلو حد رخم انا هرد عليه
ساره لا....
حسام:الو انت مين ياحيوان وبترن هنا ليه
جميله:حسام الحقني ياحسام انا جميله محمود خاطفني وحاولت اكلم ساره بس قفلت السكه.
حسام:جميله...انتي فين ياجميله وازاي محمود يعمل كده انتي فين دلوقتي
جميله:مش وقته الكلام ده الحقني.....ووصفتلو المكان.
حسام:يأمن
الأمن:نعم يافندم
حسام:امسكو البنت دي لحد ما ارجع واوعي تهرب
ساره:حسام انت بتقول ايه
حسام:حسابك معايه بعدين
وأخد حسام العربيه وراح المكان اللي قالت عليه جميله.....
جميله:حسام الحمد لله انك جيت
حسام:انا كنت هموت من القلق عليكي
عمل فيكي ايه الحيوان ده.
جميله:متقلقش ياحبيبي الحمد لله ربنا وقف معايه ونجاني منو، بس لازم نلحق عمو اللي ساعدني قبل ما محمود يفوق ويعمل حاجه فيه
حسام:فين هو
جميله:تعالى معايه
راحو البيت ولقو محمود بيحاول يقوم من مكانه ومسكه حسام وفضل يضرب فيه واغمي عليه تاني واتصل بالشرطه تيجي تقبض عليه....
حسام:احنا ممتنين لحضرتك جدا ياعمو واسفين على الازعاج اللي سببناه لحضرتك.
العم:انت بتقول ايه يابني دي زي بنتي خلي بالك منها وربنا يسعدكم
جميله:انا متشكره جدا،مش عارفه ارد الجميل ده ازاي لحضرتك
العم:ممكن اطلب منك حاجه
جميله:اتفضل طبعا
العم:لما تتجوزي انتي والشاب ده تيجيو تطمنو عليه من وقت ل التاني يمكن ربنا يفتكرني والاقي حد يدفني.
جميله:بعياط متقولش كده ياعمو ربنا يديك الصحه
وانا وعد مني هسألك على حضرتك دايما ومش هنساك
العم: شكرا يابنتي ربنا يسعدكم، صحيح انا معرفتش اسمك ايه
جميله: اسمي جميله، وده حسام خطيبي
العم:أسئل الله ان يجعل أيامكم مليئه بالفرح والسرور وخاليه من الأحزان والهموم.
الشرطه جات....
حسام:اهو اللي خطفها يافندم
الشرطه:متقلقوش احنا هنكون حريصين انو يأخد العقوبه اللي يستحقها
حسام:شكرا جزيلا،مع السلامه
ــــــــــــــــــــــــــــــــــــــــــــــــــــــــــــــ
رجع حسام وجميله البيت وبدل ماكنو عاملين خطوبه بقي كتب كتاب.....
بعد 9شهور...
جميله:ااه الحقني يا حسام بولد
حسام:بزهول ايه وانا اعمل ايه دلوقتي
جميله:وديني المستشفي بسرعه
ركب حسام العربيه وأخد جميله ع المستشفي.....
بعد نصف ساعه....
الممرضه:الف الف مبروك بنوته زي القمر.
حسام:وجميله اخبارها ايه
الممرضه:تقدر تتدخلها اتفضل.
حسام:شوفتي ياحببتي بنتنا قمر زيك ياحببتي،حمد لله علي سلامتك
جميله:الله يسلمك ياحبيبي
حسام:هنسميها ايه؟
جميله:هسميها،صدفه علشان الصدفه اللي جمعتنا سوا
حسام جميل ياحببتي.
ـــــــــــــ
وبكدا بقيت جميله لحسام.......أتمني يكون الاسكريبت عجبكم
بقلم/أماني الحسيني"خاطفة القلوب"
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد