السلام عليكم ورحمه الله وبركاته
انا الصحفي عمر ياسين من جريدة ومؤسسة حبر الحياة.
حابب اعمل مع حضرتك لقاء صحف
وعليكم السلام
اهلا بيك
طبعا
س/ حدثنا عن سيرتك الذاتية ؟ وكيف اكتشفت موهبتك الفنية ؟
اسماء علي الحسيني
18 سنه
من كفر الشيخ
الرسم هوايه من صغري كنت بحب ارسم ف المدرسه كتير وكنت مميزه بيه
بس مكنتش بهتم كتير يعني يعتبر كنت برسم ف المدرسه بس
السنه اللي فاتت ف كرونا كنت بقضي معظم الوقت ف الرسم وقررت اشتغل ع نفسي اكتر
يعني الرسم ف البدايه كان مجرد شئ عادي بنسبالك صح كده؟
كانت هوايه اه وكان دايما عندي شغف وحب ليه بس مكنش اول اهتمامتي او مكنتش عارفه المفروض اعمل ايه وكدا لما الجازه جت بقي بتاعت كرونا وبدأت ارسم وافرج اهلي وصحابي كانو بيشجعوني كتييير
وبابا كان هاوي بردو قبل كدا الرسم يعتبر الموهبه وراثه منه ف كان داعمني جدا
اخدت كورس وكونت صدقات فنيه وبدأت اشتعل ع نفسي اكتر
س/ متي قمت برسم اول لوحة ؟
اول لوحه كانت لمعرض كان بيتكلم عن ديزني اتعرض ف شهر 9 اللي فات
شاركت السنه دي ف معرضين الاول عن ديزني والتاني عن فان جوخ
س/ هل لديك طقوس معينة لكي ترسمي وتبدعي؟
هوا الرسم بالنسبالي بيبقي وقت هادي بطلع الطاقه اللي جوايا بيبقي اقرب وقت لقلبي ف بفضي نفسي من اي حاجه وافصل شويه بإني اقعد ارسم
اتعرضت 13 سبتمبر
اتعملت ف 3 ايام علشان اتزنقت جدا فيها كنت شغاله ع حاجه تانيه ومخلصتش ف ف اخر تلت ايام عملتها
بتحبي ترسمي اشخاص؟
ايوا يعتبر شغلي كله بورتريه بس ف اخر فتره بدأت ارسم حاجات مختلفه
وبتشغل اوردرات رسم
س/ما هي أكثر شخصية تمنيت أن تقوم برسمها؟
مفيش حد بالظبط يعني بس عمتا بحب ارسم اي شخصيه مؤثره فيا وبحبها
بس انا خارجه من تالته ثانوي ف مكنش فيه وقت كتير قدامي
يعني مش برسم لوح كتير برسم اسكتشات اكتر علشان الوقت
س/ ما الذي يجذبك داخل الأشياء حتي يدفعك لرسمها؟
يعني مثلا فيه ملامح ساعات بتشدني اي حاجه رسمتها قبل كدا ف هيا ياما بتيجي صدفه وبتشدني ياما بعد تدوير كتييييير بلاقيها وبتشدني ف برسمها
بس طبعا لازم الجوده الكويسه للصوره الاضائات علشان الظل والنور
بعتمد دايما اني اختار الاعلي من مستوايا بحيث تبقي افاده كبيره ليا طول مانا شغاله ف اللوحه واقدر اتعلم اكتر واجرب تكنيكات مختلفه
س/ ما الأدوات التي تقوم بأستخدامها أثناء الرسم؟
استخدم خامات مختلفه كتير
اشتغلت رصاص وفحم وباستل وزيت واكواريل وجواش وحبر
بس اقرب الخامات ليا يعني الزيت واتمني اتطور فيه اكتر
س/ما الذي يمثله الرسم لك ؟
انا بحب الرسم وعااوزه افضل ارسم طول حياتي مش عاوزاه مجرد هوايه لا عاوزاه شغلي كمان وافضل دايما اتعلم جديد
بتمني ادخل فنون جميلة قسم تصوير
س/هل وجهتي عواقب ف مسيرتك؟
لا مش عواقب يعني حاجات بتقابل كل رسام الادوات غاليه.. المجتمع اصلا قليل اللي فاهم الفن وبيقدره.. بالنسبالي انا ف ريف كفر الشيخ ف اي معرض او ايفنت بيبقي سفر وتعب بس اهلي يعني بيساعدوني كتير
س/ ما النصائح التي تستطيع تقديمها لمثلك من الموهوبين؟
اللي عنده الموهبه ميفرطش فيها ويستغلها كويس ويحدد هوا عاوز ايه ويشتغل ع نفسه ويستغل كل فرصه قدامه ودايما يبقي بااصص لقدام محدش بيقف عند مستوي وخلاص دايما الافضل ليه افضل وافضل وبتمني التوفيق للكل
س/هل هناك تكريمات أو جوائز حصلت عليها ؟
واخده مركز اول ف مدرستي ف النشاط الفني واتكرمت من المعرضين ومن كذا جريده اون لاين
س/من من تلقيت الدعم والتشجيع؟
اهلي واصحابي
س/ هل قمت بتمزيق لوحة قبل إكتمالها أو بعد الانتهاء من رسمها لأنها لم تنال اعجابك أو من أجل عدم إعجاب الآخرين بها؟
لا طبعا كل خطوة بعملها غاليه عليا جدا ممكن مكملهاش للاخر فعلا وبيبقي علشان مفيش وقت او كسل بس مش علشان حاجه تانيه
س/ كلمتك الأخيرة للحوار؟
شكرا جدا كان حوار لطيف
شكرا جزيلا سعيد جدا بحوار معاكي
بقلم الكاتب الصحفي/عمر ياسين "باندا"
مؤسسين الجريدة
د/اية رمضان حجازي "عبقرينو"
ا/عبد الرحمن عزام
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد