انا الكاتبة والصحفية آية رمضان حجازي من جريدة ومؤسسة حبر الحياة.
حاببه اعمل مع حضرتِك لقاء صحفي. تسمحيلي!.
عليكم السلام ورحمه الله وبركاته
طبعا اتفضلى
س/ حدثينا عن سيرتك الذاتية ؟ وكيف اكتشفتِ موهبتك الفنية ؟
انا اسراء طارق السيد
من المنصوره
20 سنه
بدرس فى جامعة الازهر
ودرست سنتين دبلومه قسم عماره وديكور
اكتشفت موهبتى فى الصف السادس الابتدائي كنت برسم فى الامتحان فى ماده الرسم ولقيت المراقبين بيصورو رسمتى ومعجبين بيها جدا وانا كمان كان ديما ليا نظره مختلفه كنت بحاول ارسم اى حاجه قدامى من صغري اى نعم كنت بفشل بس كانت جوايا الروح دى
بدات اتشجع لما المراقبين اعجبو برسمى واشتغل على نفسي بس بس مفيش حد نمى موهبتى فبطلت ارسم وكبرت ودخلت الثانوى بدات ادور انا فى الموهبه اللى جوايا بنفسي واهتميت بيها
س/ متي قمت برسم اول لوحة ؟
وانا سنى ١٨ سنه
س/ هل لديك طقوس معينة لكي ترسمِ وتبدعِ؟
وانا برسم بسمع المزيكا اللى بحبها وبحب جدا ارسم فى اوضتى وبليل بمعنى اصح بحب اكون بعيده عن الدوشه والضوضاء
س/ هل قمت برسم أشخاص من قبل ؟
طبعا
س/ما هي أكثر شخصية تمنيت أن تقوم برسمها؟
متمنتش ارسم حد من المشاهير بس نفسي ارسم عبد الحليم حافظ لانى بحبه جدا وبحب صوته... و اى بورتريه فيه تفاصيل وصعب بكون عاوزه ارسمه..
س/ ما الذي يجذبك داخل الأشياء حتي يدفعك لرسمها؟
التفاصيل والجمال
س/ ما الأدوات التي تقوم بأستخدامها أثناء الرسم؟
برسم رصاص وزيت واكريلك
بس متقنه الرصاص اكتر من اى حاجه تانيه وبحب استخدامه وعمرى ما استخدمت اقلام الفحم
س/ما الذي يمثله الرسم لك ؟
صديق
برتاح نفسيا لما برسم خصوصا لو رسمه معبره عن حالتى انا
س/ هل هناك عوائق تواجهك أثناء الرسم ؟ وما اثرها؟
صوت اهلى فى البيت لانى بحب الهدوء.. ووجع ظهرى لما بقعد قدام رسمه كتير
س/ ما النصائح التي تستطيع تقديمها لمثلك من الموهوبين؟
ميتبعش اسلوب واحد يقرا كتير ويعمل تغذيه بصريه ينظر لاى شئ من منظور الفن دا يساعد كتير انه ميرسمش كوبي بيست... هيبدا يرتب افكاره ويكون لوحه من خياله ومن شعوره
ويجرب كل الخامات
ومهما وصل للاحتراف ميبطلش يدرب نفسه
س/هل هناك تكريمات أو جوائز حصلت عليها ؟
مكنتش بشترك فى معارف او مسابقات لان مش بحب الزحمه والشو ..
ومن قريب اشتركت فى معرض بوابه مصر القديمه واخذت شهاده تقدير فقط
بس عرفت ان المشاركات فى المعارض بتكون ليا خبرات اكتر ومعارف وانشاء الله لو فيه معرض قريب هشترك فيه واحاول اطلع مستوايه فى اللوحه الجايه باذن الله
س/من من تلقيت الدعم والتشجيع؟
مستنتش حد يشجعنى انا شجعت نفسي وكنت بحاول ديما وكنت بفرح لنفسي لما ارسم رسمه حلوه وتعجبنى مكنش عندى راى حد مهم قد ما رايي انا مهم وتكون الرسمه عجبانى بدات اشوف التشجيع وانا كبيره من اخويا عاصم والفنان محمود ذياده اللى بيعلمنى حاليا.. اللى عايزه اقوله ان انا مشوفتش اى تشجيع وانا فى بدايه مشوارى
س/ هل قمت بتمزيق لوحة قبل إكتمالها أو بعد الانتهاء من رسمها لأنها لم تنال اعجابك أو من أجل عدم إعجاب الآخرين بها؟
لا ابدا عمرى
ومش بحب الفكره دى
لو فيه غلطات فى رسمه او مش عجبانى بسيبها عشان اتعلم من الخطا اللى فيها
س/ ماذا تتمني ان تحقق في المستقبل؟
ان يكون شغلى ولوحاتى متميزين
س/ كلمتك الأخيرة للحوار؟
مش لازم تكون مشهور عشان تكون فنان
مش لازم حد يشجعك
مش لازم لوحك تعجب حد
بس لازم تتقبل النقض بس مش من اى حد بردو من حد بيفهم فى المجال
سعيده جدا بالحوار معاكِ
انا اسعد
شكرا ليكى
بقلم الكاتبة الصحفية/اية رمضان حجازي
مؤسسين الجريدة
د/اية رمضان حجازي
ا/عبد الرحمن عزام
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد