(قسوه انثى)
(الجزء الاول💕)
بقلمي:سارة خليل
_انتى بتعملى ايه
=زى ما انت شايف
_شايف ايه انتى بتقتليها
=اه
_ليه مش هى دى برضو القطه المفضله عندك وبتحكيلها كل اسرارك دى يوم ما تعبت كنتى هتموتى عليها دلوقتى بتقتليها
=خربشتنى يا فريد خربشتنى
فريد : انتى ازاى كدَ انتى ملك اللى زى الملاك عمرك ما اذيتى نمله تحولتى فجأه كدَ وبقيتى تقتلى عادى
ملك :اديك قولت كنت واتحولت شوف بقا مين كان السبب فى انى ابقى كدَ
فريد :ليه يا ملك ليه احنا السبب ليه عملنالك ايه
ملك :روح اسأل ابوك واخوك
فريد : نفسى اعرف هما عملولك ايه
ملك :بكره تعرف لما الكأس يدور و الحق يرجع
فريد :ماشى يا ملك طب سيبى القطه خلاص اختنقت وماتت
ملك :امشى يا فريد دى خربشتنى ليها حساب تانى معايا
فريد :ايه هتعملى فيها ايه اكتر من كدَ
ملك :هتكون غدا للكلاب
فريد :بجد واللهى مش عارف اقولك ايه
ملك :متقولش
فريد :ماشى يا ملك انا ماشى
اول ما خرج ملك انهارت فى البكاء ومسكت القطه بتاعتها حضنتها وهى ميته
ملك :كااتى كاتى مش بتردى عليا ليه انتى خلاص رحتى زى ما كلهم راحو منى هماااااااااا السببب ليييه ليييه عملو فيا كدَ ليه احنا كنا فى حالنا عمرنا ما اذينا حد
كاتى انا بعتك ليهم عشان تطمنيهم وتقوليلهم ان حقهم هيرجع مش هسيب حقهم ولا حقى
_______
فريد :بابا انا عايز اعرف انتو عملتو ايه فى ملك خليتوها تبقى بالشكل دَ
والد فريد(ادهم) : ا..ا..ا.. انت بتقول ايه هن ...هنكون عملنا فيها ايه يعنى
فريد بشك ؛مالك اتوترت كدَ ليه انا كنت بسال
ادهم : لا اتوترت ولا حاجه وبعدين انت هتاخد على كلامها دى مجنونه
فريد :هى برضو الى مجنونه
ادهم : قصدك ايه
فريد :لا ولا حاجه امال فين الباشا بتاعك من ساعه الحادثه بتاعه والد ملك وهو مختفى راح فين
ادهم :فريد انت بتلقح لايه بالضبط قصدك ايه يوسف اخوك وانت عارف انه واخد منحه للدراسه فى كندا
فريد :منحه ودراسه مره واحده ياشيخ تُف من بُقك الصايع دَ واخد منحه لا وايه وبيدرس كمان بابا انا مش عيل صغير هتضحك عليا بالكلمتين دول اناا وانت عارفين كويس يوسف مسافر ليه وبكره الحقيقه تبان واللعب هيبقى ع المكشوف
ادهم (بزعيق) :ولد انت واقف قدام ابوك اتكلم عدل وحقيقه ايه دى اللى تبان ولعب ايه اللى هيبقى ع المكشوف
فريد : ايه الى عملتوه فى ملك لما كنت مسافر خلاها تتحول بالشكل دَ
ادهم :انت شكلك اتجننت زيها هنكون عملنا فيها يعنى
سمعوا صوت جاى من وراهم
:متقولو يا ادهم عملتو ايه تحب اقول انا ولا تقول انت
ادهم بتوتر :س...س...سناء
بقلمى :ساره خليل
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد