انا هنا هشام فنانة تشكيلية من محافظة دمياط عندى 21 سنة بدرس ف كليه التربية النوعيه "فنية"
- هل الرسم موهبة ام هواية ؟
الرسم موهبه وهواية الاتنين مع بعض ، والرسم دا شئ مكتسب على فكرة يعنى ممكن اي حد يتعلمه الفرق ان الشخص اللى حابب الموضوع والمجال وعنده الموهبه هيتعلم اسرع وهيبدع ف المجال اكتر.
- كيف كانت بدايتك فى ذلك المجال ؟
انا بحب الرسم من وانا صغيرة جدا كنت برسم رصاص لفترة كبيره اوى من عمرى بعد كده لما دخلت الكلية بدات اتعرف على خامات وتقنيات اكتر وبدات ارسم بالسوفت باستيل والفحم و وجواش وزيت واكواريل وديچيتال ارت
- هل حدث وقام احد بالتقليل من تلك الموهبة؟
انا بعتبر دا تشجيع ليا اكتر انى اكمل واستمر ، الشخص الناجح لازم يبقا ليه ناس مش بتتمناله الخير.
- عظيم، وجهى كلمة للداعمين لكِ منذ بداية الطريق.
انا بشكرهم جدا جدا وعلى راسهم اكيد د/ مصطفى الدليل رئيس قسم التربية الفنية ف تربية نوعية دمياط ، احب اوجهله كل الشكر والاحترام والتقدير لدعمه ليا ولموهبتى وتشجيعى دايما ، كمان احب اشكل كل الفنانين اللى ساعدونى انى اوصل للمستوى اللى وصلتله لحد دلوقتى بجد عمرهم مبخلوا عليا بمعلومه بالعكس بيساعدونى كتير اوى.
- هل حققت انجازات فى مجال الرسم ؟
شاركت ف العديد من المعارض من اهما : معرض للاشغال الخشبية ف قصر ثقافة دمياط الجديدة ، معرض طيف ف قصر ثقافة الانفوشي ف الاسكندريه وحصولى على المركز الاول ف مجال الديجيتال ارت ، معرض همسات رواد الفن ف مكتبة مصر العامة بالدقي ، معرض الابتكار الفنى الدولى للفنون التشكيليه ف جريده الاهرام بالقاهرة ، معرض اهلا رمضان فى قصر ثقافة دمياط الجديدة ، معرض It's me ف جريدة الاهرام بالقاهرة وتم تكريمى من المنصة الباكستانية 3 مرات على الوالى ،ومن منصة الطياران المدنى ، وحصولى على الدكتوراه الفخرية في الفنون التشكيلية من ايطالية ،
وتم توثيقى كفنانة تشكيلية مصريه من منصه من هم الاماراتية ، تم منحى وتكريمى 3 مرات على التوالى من جروب Dry art ، وتم مشاركتى ف مهرجان ابداع للفنون التشكيلية.
- حدثنى عن طموحك فى الفترة القادمة.
طموحى ليس له حدود اتمنى ان اصبح فنانة تشكيلية عالمية والناس كلها تشوف شغلى ولوحاتى وتستفيد منه .
- حدثينى ما صفات الرسام المحترف من وجهة نظرك
الرسم عباره عن علم كبير اووى طول م انت عايش ف الحياة ف انت بتتعلم وبتكتسب خبرة ومعلومات اكتر واكتر عشان تمكنك من المستوى الاحترافى ... تكون رسام محترم امته لما تكون فاهم يعنى ايه كتل وظل ونور وفاهم يعنى اى لون كويس اووى وخلط الالوان بيكون ازاى لان دى مهمه جدا ، وان يكون عارف مدارس الفن عباره عن ايه ومين رواد الفن ف المجالات المختلفه والاساليب المستخدمه لفنانين عالميين . وان تكون لوحاتك بقد كافي قريبه من الواقع "ان تكون واقعية بشكل كافى" ودا بيختلف فى كل مدرسه من مدارس الفن
- ماذا تقولين لكل شخص لديه موهبة كالرسم ولا يستغلها؟
اقوله ان ربنا خلقك انت مميز عن باقي البشر .. كل الناس بتعرف تاكل تشرب تتكلم بس مش كل الناس بتعرف ترسم .. انت ربنا ميزك عن باقي الناس زى اللؤلؤة كده حاول تحافظ على الموهبة دى وتشتغل عليها كويس جداا وصدقتى مع الشغل الكتير والممارسة هتوصل في يوم من الايام لحلمك 🤍
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد