الكتابة أسلوب راقٍ يُهذب بها العقل ويزداد علمًا وإدراكًا
الكتابة بها تعلو مكانة الفرد بين مجتمع سادت فيه المفاسد ودركت فيه الفتن في دروك ظلام الجهل، الكتابة تهذب النفس من اللغو ومن الهوا.
الكاتب/ه " رودينا هشام " في حوار صحفي لجريدة حِبر الحياة
حيث تُعرَض موهبته/ا إلي النور ويلمع بريقه في عنان السماء.
محتاج نبذه تعرفيه عن حضرتك.
كيف بدأت رحلتك مع الكتابة؟ وما هو الدافع الرئيسي الذي جعلك تختار أن تكون كاتباً؟
ـ بدأت رحله كتابتي من ١٠ سنين سنه ٢٠١٥
ـ الدافع الرئيسي انى اسيب أثر ليا اسيب فكري و طموحي و روحي جوا كتاب كل الناس هتشوف عقلي و روحي هتشوف رودينا فيه هتعرفني حتى لو انا معرفهاش الكتابه دي احسن طريقه تقدر بيها انك تعبر عن فكرك
هل كان هناك كتاب أو كاتب معين أثر فيك ودفعك إلى الدخول في عالم الكتابة؟
ـ ( يوسف عماد الدين ) كان أول كاتب اثر فيا و أثر فيا من ناحيه الدعم لأني شوفته ف مره و قالي جمله مستحيل انساها ( لو كل الناس قالتلك أن الل بتعمليه وحش و كتابتك وحشه دا مش معناه أن كل الناس صح لا كملي و اكتبي حتى لو انا شخصيا قولتلك مش حلو المهم انتى شايفه ايه اكتبي مهما حصل لأن مش كل الآراء واحده ) يوسف عماد هو قدوتي الساعيه هو الل علمني اكون ساعيه و مبهجه
ما هي الموضوعات التي تجد نفسك مشدوداً للكتابة عنها؟ وهل هناك قضايا معينة تحب أن تتناولها في أعمالك؟
القضايا الل بتحصل للناس الخبايا بمعنى اصح الل بيحصل جوا قلوب الناس و الماضي و الحاضر يعنى ميال لعلم النفس
ـ طبعا اهم قضيه بنسبالى و الل هفضل اتكلم عنها قضيه التنمر و هى فكره كتابي الجديد
هل تعتمد على التخطيط المسبق عند كتابة رواياتك أو مقالاتك، أم تترك القلم يتدفق بحرية؟
ـ انا بعمل الاتنين مع بعض يعنى افكر و ارسم و اكتب شويه و بعدين ارجع اخطط تاني و اكتب الل خططته بشتغل الاتنين مع بعض و بجد الموضوع بيبقى مريح بيحسسني انى لا كدا تمام اوى و الدنيا مظبوطه
كيف تصف أسلوبك الكتابي؟ وهل تأثرت بأساليب كتابية معينة أو حاولت تطوير أسلوبك بشكل فريد؟
هو أسلوب بسيط ولا صعب و كلامه مش مفهوم و عاوز خبير ولا سهل ف يبان تافه / انا بستخدم طريقه ف الكتابه انى اوصلك الفكره و الل أقصده بأبسط طريقه ممكنه المهم انها توصلك بكل هدوء
تأثرت بطريقه كتابه أحمد آل حمدان و حاولت فعلا أطور من كتابتي علشان اقدر اغمس الواقع مع الفانتازيا مع علم النفس مع انى أناقش قضايه مهمه زي التنمر
ـ طبعا حاولت أطور من اسلوبي على مر السنين كنت الاول بكتب باللغه العاميه و واحده واحده بدأت اكتب اول كتاب باللغه الفصحى و كتاب الكتروني فانتازيا بالفصحى برضوا ف في تطور كبير ف طريقه الكتابه و السرد عن زمان طبعا و دا نابع من القراءه المستمره
ما هي أكبر تحدياتك ككاتب؟ وكيف تمكنت من تجاوزها؟
اكبر تحدياتي انى اكمل للآخر لأن الموضوع مش سهل انك تقول أنا اهو بسهوله انك تتجاوز اى حاجه بتحصل ف حياتك و اى سخريه من الآخرين علشان بس تقول انا كاتب ، أكبر التحديات انك تكتب و بعدين ترجع تراجع و تطور و تفضل تطور لحد م تقول بس خلاص كدا كلمه بس خلاص كدا مبتجيش بسهوله انك تسيب القلم و انت كاتب تمت بحمد الله دا و انت مرتاح انك كتبت كل حاجه طلعت كل حاجه تقدر عليها مش سهل ، تجاوزتها بدعم اقرب الناس ليا و تشجيعهم و احساس انى افكر أن خلاص هتنزل و هانت كانت بتشجعنى
حدثنا عن أعمالك المنشورة حتى الآن.. هل هناك عمل محدد تشعر أنه يعبر عنك أكثر من غيره؟
حتى الآن
أنا اغلب كتاباتي كانت الكترونيه من ٢٠١٧ كنت بكتب ب اسم مش اسمي متخفيه يعنى
كتبت روايه "لم "
روايه " الحقيقه "
روايه " طموحات فتى "
روايه " مملكه الاجنحه المفقوده "
و الروايه الاولى الورقيه :
روايه " اوكسافورد "
اكتر روايه بتعبر عنى روايه " اوكسافورد " هى دي الل اقدر اقول انى حطيت كل مجهودي فيها و روايه " مملكه الأجنحه المفقوده " برضوا كانت بدايه كويسه جدا انى اظبط من لغه عاميه للغه فصحى دول اكتر اتنين بجد مهمين عندى و بأسمي حتى
اول روايه ربط احداث و الغاز كانت الحقيقه و دي فعلا الل كانت السبب أنها تديني دفعه اكمل
كيف ترى دور الأدب في المجتمع اليوم؟ وهل تعتقد أن للأدب تأثيراً ملموساً في الواقع؟
دور الادب كبير جدا لأن من وجهه نظري انا شايفه أن أغلب الفئه الشبابيه بنسبه ٨٠٪ و يمكن اكتر من كدا كمان بقى اتجاهم ناحيه الكتب و الادب سواء الكتروني أو ورقي ف دور الادب ف كبير جدا اليوم
ـ طبعا ليه تأثير كبير جدا ف أنه يغير كتير ف عقول الشباب للأدب اهميه كبيره جدا طبعا سواء زمان أو دلوقتى و دلوقتى بقى التأثير ملموس اكتر سواء بقى علم نفس أو غيره
هل لديك طقوس معينة تتبعها عند الكتابة؟ وكيف تساعدك هذه الطقوس في التركيز والإبداع؟
ـ فنجان القهوه و مكان هادئ بس اعرف افكر و اربط الأحداث صح و ممكن موسيقى هاديه اجمع أفكاري قبل م اكتب
بتساعدنى أنها بتخليني افتح عقلي و ابدأ اتخيل كل حاجه بكتبها و ابقى فى حاله من الهدوء تخليني اطلع كل الل اقدر عليه
كيف تتعامل مع النقد؟ وهل تلقيت نقداً معيناً ساعدك في تطوير أسلوبك أو رؤيتك؟
ـ بسمعه و برحب بيه منغير نقد مفيش تطوير لازم هلاقي آراء اخرى و افكر فيه و اجرب لحد م الاقي نتيجه مبهره بدايه النجاح من وجهه نظري نقد
اه تلقيت بصراحه و حاولت أطور منه و ساعدنى بصراحه جدا اشوف حاجه انا مش شايفاها
ما هي رؤيتك لمستقبل الأدب في العالم العربي؟ وهل تعتقد أن الكتابة تواجه تحديات خاصة في هذا العصر؟
انا شايفه أن مستقبل الادب فى العالم عمتا بقى مبهر و مع تقدم الوقت بدأت الناس تتجه للأدب سواء عربي او غيره
هي طبعا بتواجه تحديات كبيره جدا و بذات فى العصر دا لأن كله مقبل على والأدب بنسبه كبيره جدا ف طبعا فى تحديات كبيره جدا بتواجهها
هل هناك موضوعات أو أفكار تعتبرها محظورة أو تجد صعوبة في تناولها في كتاباتك؟
السياسه / بشوف أنها صعبه لأني مقدرش ابقى ملمه بيها و مقدرش احدد مشاكل دوله و انا فى خبايا معرفهاش و ف نفس الوقت الموضوع محظور عندى خالص
كيف ترى تأثير التكنولوجيا ووسائل التواصل الاجتماعي على عملية الكتابة والنشر؟
بصراحه التكنولوجيا و وسائل التواصل الاجتماعي كان ليها دور كبير جدا ساعدت فى معرفه الكتب و الكتاب و التكنولوجيا ساعدت القارئ أنه يقرأ منغير م ينزل بدور على الكتاب وهو ف بيته و وسائل التواصل الاجتماعي ساعدت الكاتب أنه يتعامل مع الدار و أنه يوصل فكره و طبعا الترشيحات دا غير الكتاب الل فى بدايه كتاباتهم بيبدأو كتابه و الناس بتبدأ تعرفهم و بيروجو لنفسهم عن طريق التواصل الاجتماعي طبعا طبعا اثرت بطريقه كبيره جدا
ما هي النصيحة التي تقدمها للكتّاب الجدد الذين يسعون لدخول عالم الكتابة؟
( متبطلش تجري ورا طموحك و حلمك مهما حصل مهما الدنيا وقفت ادامك مهما الناس قالتلك لا كمل مدام مؤمن بنفسك و عارف انك تقدر متخليش اى حاجه تحبطك متخليش اى حاجه تمنعك لو الناس كلها قالتلك وقف و جواك احساس أن اقدر لا كمل اكتب كل حاجه تيجي ف بالك اكتبها و أخر حاجه احب اقولها " و أن ليس للإنسان إلا ما سعى "
ما هي مشاريعك القادمة؟ وهل هناك عمل جديد تعمل عليه حالياً؟
والله مشاريعي الجايه تميل اكتر بدراستي و طبعا فى عمل جديد شغاله عليه
كيف توفق بين الكتابة والحياة الشخصية؟
بهتم دايما أن الاتنين ياخدو نفس الاهتمام و الاولويه لأن دي حاجه بحبها و دي حاجه اساسيه برضوا بوفر وقت فى يومي اكتب فيه ولو حاجه بسيطه لو ساعه قبل م انام احسن من مفيش بهتم دايما مدخلش دا ف دا خالص
وهل تجد صعوبة في تحقيق التوازن بينهما؟
فى الاول خالص كانت صعبه جدا انى اوازن بينهم و كنت اجي على حساب التانيه بس دلوقتى يعنى افضل شويه لأنى بدأت افهم دماغي اكتر
في الختام، ما هي الرسالة التي تود توجيهها لجمهورك ومحبي الأدب؟
ارجوكم متبطلوش تعملوا حاجه بتحبوها و مؤمنين بيها متبطلوش تحلمه مهما كان الطريق صعب متقتلوش طموحكم متتخلوش عن الحاجه الل بتخليكم مبسوطين ومرتاحين و متنسوش " وان ليس للإنسان إلا ما سعى"
إرسال تعليق
اذا اعجبتك جريدتنا الرجاء وضع تعليق يسعدنا على تقديم المزيد