هل الإنسان مسير أم مخير*بقلم أسماء رشدي مقال خاص بجريدة حبر الحياة

 

كلام دكاتره ..

دايما نسمع عن الصيام قبل العمليات الجراحيه .. وان الدكاتره سواء الجراحين أو دكاترة التخدير لازم يأكدوا على المريض انه يكون صايم ويمنع أكل وشرب تماما قبل دخول العمليات.. طب يا ترى ليه ؟ .. ونصوم لفتره أد إيه؟ .. وما هى علاقة الأكل والشرب بعملية فى رجلى أو ايدى مثلا ؟ .. وما هى خطورة عدم اتباع هذه التعليمات ؟ ..

كل دى أسئله بتدور فى عقل المريض وذويه عند الاستعداد لدخول العمليات..

أقولكم أنا .. نصوم من 8 إلى 12 ساعه عن الطعام .. ويكفى من 2 إلى 4 ساعات عن الشراب .. وذلك للتأكد من خلو المعده من أى طعام أو سوائل فلا تتسبب فى القئ أو الارتجاع أثناء تخدير الجسم وما ينتج عن ذلك من تسريب هذه المرتجعات إلى الجهاز التنفسي .. مما يؤدى إلى انسداد المجرى الهوائ وانقطاع الأوكسجين عن الجسم .. والذى بدوره قد يؤدى إلى الوفاه لا قدر الله ..

وبعد ما شرحت كل هذه الأسباب عن ضرورة الصيام .. الا أن الست (فتحيه) سامحها الله.. تفاجئنى فى صباح يوم عملية استئصال المراره الخاصه بها .. أنها فقط قد تناولت .. كام صوبع محشى كرنب وحبست ب كوباية شاى تقيله عشان تحبس المحشى حبسا جيدا ولا يستطيع الفرار .. وذلك بعد صلاة الفجر أثناء انتظارها لدخول العمليات .. وعندما رأت علامات الحسره وخيبة الامل تعلو وجهى المندهش .. قالت لى بكل بساطه.. 

= ما هو أنا مش فاهمه ايه علاقة المحشى بالمراره؟ وحتى لو هيضرها .. أدينا هنشيلها ونرتاح .. زعلانه ليه بقه يا دكتوره؟ ..

_ لا أبدا يا ست فتحيه .. دا أنا اللى هدخل أشيل المراره بدالك المره دى .. 

لله الأمر..

#يوميات طبيبة تخدير .. بقلم د.دعاء جلال دياب.. أستاذ بكلية طب المنصوره